TAROMALI LOWALANGI NIBASO MINGGU 9 OKTOBER 2016

TAROMALI LOWALANGI NIBASO MINGGU 9 OKTOBER 2016

A.      Nibaso sifὁfὁna Sinuno/Mazmur              111  : 1-10 :

Fanuno fa’abὁlὁ Lowalangi, awὁ wa’asὁkhi dὁdὁnia ba wamatὁrὁ banuania andrὁ

1.       Haleluya! Da’usuno Yehowa moroi siaikὁ ba dὁdὁgu ba zowulo zadὁlὁ tὁdὁ andrὁ ba ba zilὁ falukha mbanua

2.       Sebua nilau Yehowa; la’alualui tὁdὁra dozi somasi ia

3.       Faebua ba lakhὁmi wolaunia andrὁ, ba fa’atulὁnia andrὁ, ba irugi zilὁ aetu

4.       No ihonogὁi, fabὁi olifu niha zahὁli hὁli dὁdὁ andrὁ khὁnia; sebua tὁdὁ Yehowa ba sahakhὁ tὁdὁ.

5.       No ibe’e gὁ ba zangata’ufi ya’ia; lὁmamalὁ malὁ wa itὁrὁ tὁdὁnia wawu’usa li andrὁ khὁnia.

6.       No ifaele’ὁ ba mbanuania wa’abὁlὁ wolaunia, wame’e tana khὁra tana ba niha baero andrὁ.

7.       Siduhu ba satulὁ wolau dangania andrὁ; silὁ mangiwa goroisania andrὁ fefu.

8.       Saro silὁ mamalὁmalὁ, irugi zilὁ aetu dali ziduhu ba sadὁlὁ.

9.       No ifaohe’ὁ wangorifi ba mbanua nia, no aro’ὁ gamabu’ula linia silὁtebulὁ.

10.   Bὁrὁta wa’atuatua wangata’ufi Yehowa andrὁ, sangila watahὁgὁ dozi sanὁrὁ lalania; silὁ tebulu duriania andrὁ

B.      Nibaso Fὁna Huhuo Roma/Roma 14 : 5-9

5.       So sa zamaehusi luo, ba zanguma’ὁ faoma manὁ; bὁi zilὁ fauduhu dὁdὁ zamὁsana.

6.       Haniha zamaehusi luo, ba khὁ Zo’aya wa ifaehusi, ba ha niha zimanga ba khὁ Zo’aya wemangania, i andrὁ saohagὁlὁ khὁ Lowalangi, ba haniha zilὁ manga ba khὁ Zo’aya wa lὁ manga ia, ba i andrὁ saohagὁlὁ khὁ Lowalangi`

7.       Lὁ‘ὁ sa bakhὁda sauri, ba khὁnia manὁ, ba lὁ simate bakhὁnia manὁ.

8.       Na auri ita sa, ba khὁ Zo’aya wa’aurida, ba namate ita bakhὁ wa’amateda; tobali he sauri ita, ba he simate ita, ba khὁ Zo’aya ita.

9.       Da’ὁ sambὁrὁ wamate Keriso, awὁ wano ifuli auri, enaὁ ifatὁrὁ zauri awὁ zinomate.

C.      Huhuo Sebua, II Timoteo/II TIMOTIUS 2: 8-15

8.       Tὁrὁtὁrὁ tὁdὁu Yesu Keriso , nisusugi moroi ba ngai zimate, ma’uwu dawido andrὁ, dali duria somuso dὁdὁ andrὁ khὁgu.

9.       Da’ὁ mbὁrὁ wa utaha wamakao, irege rate andrὁ, hulὁ zamarukhu; ba lὁ‘ὁ samufesu daromali Lowalangi andrὁ.

10.    Andrὁ utaha fefu, hadia ia, bὁrὁ nitutuyu andrὁ, ena’ὁ lakhamὁ gὁi wangorifi andrὁ, ba khὁ  Keriso Yesu, awὁ lakhὁmi andrὁ silὁ aetu.

11.   Sindruhu daromali andrὁ; nano fao ita bawa’amate, bafao gὁi ita bawa’auri.

12.   Na tataha wamakao ba awὁ gὁi ita dania bawa’asalawa; na yaita mangosilὁ‘ὁgὁ, ba yaia gὁi mangosilὁ‘ὁgὁ yaita dania.

13.   Nano farὁi ita, ba lὁ‘ὁ sa farὁi ia; tebai sa i’osilὁ‘ὁgὁ ia.

14.   Fa’ὁ fasugi ba dὁdὁra; ὁwa’ὁ sibai khὁra, fὁna lOwalangi, fabὁi fagua gua ira, silὁguna, sihasambalὁ samakuyu samondrongo.

15.   Forege wangalui ena’ὁ sinangea khὁ Lowalangi ndra’ugὁ, sohalὁwὁ silὁ aiwὁ, sangehaogὁ fangoguna’ὁ, taromali siduhu andrὁ.